VULKAN

gändmer en blonde,
gändmer en tunkle,
gändmer eine,
wo mit denauge
im tunkle cha funkle,
gändmer en schüche,
gändmer en fräche,
wo s'blau vom himmel
obenabe tuet verspräche,
gändmer en fine,
en nöd allzu chline.

gändmer en junge,
gändmer en alte,
gändmer eine
für epar stund,
länger wotten nöd phalte,
gändmer en heisse,
gändmer en coole,
wänn susch nüt umenisch,
nimi halt en schwule,
gändmer en fröliche,
en unwiderstehliche:

imir drin ischen vulkan,
sovil lideschaft
wie's wasser hätt im ozean.
 
gändmer en scharmante,
oder eine mit kante,
und als variante
en so richtig arrogante,
gändmer en lunische,
gändmer en nette,
glich öb er zigarre
raucht oder zigerette,
nume kä pfife,
ab liebschte en stife:

i mir drin isch en vulkan...
 
gändmer en büezer,
gändmer en profässer,
gändmer en politiker,
eine us de hochfinanz
oder en mänschefrässer,
gändmer eine, wo sich guet uskännt,
weller hinder jedem rock herrännt,
gändmer en presidänt,
gändmer en bischof
das git wider gschpröchstoff:

i mir drin isch en vulkan...

 

« zurück